অবিশ্বাস্য হলেও সত্য! যেন মিছা মিছা লগা কিছু সঁচা কথা। আজি আমি জানো আহঁক পৃথিৱীৰ বিভিন্ন প্ৰান্তত থকা এনে কিছু নদীৰ বিষয়ে, যিয়ে হয়তো আচৰিত কৰি তুলিব সকলোকে।
- ইংলেণ্ডৰ ৱাৰ্ফ নদী
ইংলেণ্ডৰ য়ৰ্কশ্বায়াৰৰ কাষৰীয়া নদী, ৱাৰ্ফ হৈছে প্ৰকৃতিৰ যেন এখন বিপদজনক ফান্দ। দেখিবলৈ যিমানেই সুন্দৰ, সিমানেই বিপজ্জনক এই নদীখন। ইয়াত বহু লোকৰ সলিল সমাধি ঘটাৰ বহু কাহিনী আছে। আনকি আজি পৰ্যন্ত উদ্ধাৰ হোৱা মৃতদেহৰ। ইয়াৰ কাৰণ কিন্তু আজিও ৰহস্যৰ আৱৰ্তত। কোনোৰ মতে, এই নদীগৰ্ভত আছে অসংখ্য প্ৰাকৃতিক সুৰংগ।এই সুৰংগৰ পানীয়েই তললৈ টানি লৈ যায় মানুহ।
- আফ্ৰিকাৰ কংগো নদী
ঘন বৰ্ষাৰণ্য আৰু দুৰ্গম অঞ্চলৰ মাজেৰে বৈ যোৱা কংগো নদী বিশ্বৰ অন্যতম গভীৰতম নদী। কোনো কোনো ঠাইত ইয়াৰ গভীৰতা ৭০০ ফুটৰো অধিক।বাৰিষা এই নদীৰ সোঁত আৰু অধিক দ্ৰুত আৰু অভাৱনীয় হয়। অধিক গভীৰতাৰ বাবে এই নদীৰ তললৈ কোনো পোহৰেও ঢুকি নাপায়।সেয়ে এই নদীৰ তলত কি আছে সেয়া আজিও এক ৰহস্য।
- দক্ষিণ আমেৰিকাৰ আমাজন নদী
আয়তনৰ ফালৰ পৰা আমাজন নদী বিশ্বৰ ভিতৰতে সৰ্ববৃহৎ নদী। এই নদীখন দুৰ্গম আমাজন বৰ্ষাৰণ্যৰ মাজেৰে বৈ গৈছে। এই নদী নিজৰ প্ৰবল সোঁত, হঠাতে হোৱা ধুমুহা আৰু কুঁৱলীকে ধৰি অভাৱনীয় বতৰৰ বাবে জনাজাত। ইয়াৰ উপৰিও পিৰানা, এনাকণ্ডা, কেমেন আদি বন্যপ্ৰাণীৰ উপস্থিতিয়ে নদীখন তথা কাষৰীয়া অঞ্চলক অধিক বিপজ্জনক কৰি তুলিছে।
- ইজিপ্তৰ নীল নদী
বিশ্বৰ আটাইতকৈ দীঘল নদী হৈছে নীল নদী।এই নদী অসংখ্য ঘঁৰিয়ালৰ বাসস্থান আৰু মাৰাত্মক ৰোগ কঢ়িওৱা মহ-ডাঁহৰ আশ্ৰয়স্থল।নীল নদী ১১ খন দেশৰ মাজেৰে বৈ গৈ ভূমধ্য সাগৰৰ লগত মিলি গৈছে।এই নদীখনে প্ৰতি বছৰে প্ৰায় ২০০ ৰো অধিক লোকৰ প্ৰাণ কাঢ়ে।
- উত্তৰ আমেৰিকাৰ মিছিছিপি
মিছিছিপি উত্তৰ আমেৰিকাৰ দীৰ্ঘতম নদী। এই নদীখনে প্ৰতি বছৰে বহু লোকৰ প্ৰাণ কাঢ়িছে।মিছিছিপি নদীখন বুল ছাৰ্ক আৰু পাইক নামৰ প্ৰজাতিৰ মাছৰ বাসস্থান।এই মাছবোৰৰ আক্ৰমণতে প্ৰতিবছৰে মৃত্যু হয় বহু লোকৰ।
