ছেলফি। নিজকে সুন্দৰকৈ প’জ দি নিজেই তোলা ফটোখন ছ’চিয়েল মিডিয়াত দিয়া আনন্দই বেলেগ। আজিৰ এই দ্ৰুত বিজ্ঞানৰ যুগত ছেলফিৰ আছে এক সুকীয়া স্থান।
প্ৰথমখন ছেলফি কোনে তুলিছিল জানেনে? ছেলফিৰ ইমানেই ক্ৰেজ আছে যে বিশ্বত পালন কৰা হয় ছেলফি দিৱস। ২১ জুন তাৰিখে বিশ্বত পালন কৰা হয় ছেলফি দিৱস। এতিয়া প্ৰধান প্ৰসংগলৈ আহোঁ। বিশ্বৰ প্ৰথমখন ছেলফি কোনে তুলিছিল বুলি কৰা প্ৰশ্নই হয়তো আপোনাক বিবুধিত পেলাইছে। বহু লোকৰ ধাৰণ হয় ছেতিয়া বিশ্বত স্মাৰ্ট ফোনৰ উদ্ভাৱন হৈছে তেতিয়াৰ পৰাই ছেলফিৰ প্ৰৱৰ্তন হৈছে। কিন্তু এয়া হয়তো সঁচা নহয়। ছেলফিৰ ইতিহাস বহু পুৰণি। বিশ্বৰ প্ৰথমখন ছেলফি তোলা হৈছিল ১৯দশকত। ১৮৩৯ত আমেৰিকাৰ এজন কেমিষ্ট ৰবাৰ্ট কৰ্নেলিয়াছে ডেগৰেঅটাইপ নামৰ এটা নতুন ফটোগ্ৰাফিৰ শৈলী ব্যৱহাৰ কৰি বিশ্বৰ প্ৰথমখন ছেলফি তুলিছিল।
ফিলাডেল্ফিয়াত কেমেৰা স্থাপন কৰি কেমেৰাৰ সন্মুখলৈ দৌৰি গৈ নিজেই তুলিছিল ফটো। ইয়াৰ পিছতেই বিশ্বত প্ৰথমখন ছেলফি এনেদৰে তোলা হৈছিল। এই ফটোখনক নাম দিয়া হৈছিল দ্য ৱৰ্ল্ড ফাৰ্ষ্ট ছেলফি। ধোঁৱাবৰণৰ আৰু ক’লা-বগা ৰঙৰ ফটোখনে বহন কৰিছে বহু ইতিহাসৰ কথা। ১৯ দশকত আৰম্ভণি হোৱা ছেলফিৰ ক্ৰেজ বাঢ়িল ২১দশকত। স্মাৰ্ট ফোনৰ এণ্ট্ৰিৰ লগে লগে ছেলফি হৈ পৰিল সকলোৰে প্ৰথম পচন্দ। নিজকে ধুনীয়া অথবা প্ৰচাৰৰ দিশলৈ নিবৰ বাবে ভাল ভাল প’জ দি তোলা হয় ছেলফি। মহাকাশলৈ গৈ প্ৰথমখন ছেলফি তুলিছিল এগৰাকী মহাকাশচাৰীয়ে। ১৯৯৬চনত আমেৰিকাৰ মহাকাশচাৰী ডাঃ এডবিন এলড্ৰিনে জেমিনি ১২ মিছনৰ সময়ত তুলিছিল প্ৰথমখন মহাকাশৰ পৰা ছেলফি। মহাকাশত লোৱা এইখন হৈছে প্ৰথমখন ছেলফি।
