টি -২০ বিশ্বকাপত জয়যাত্ৰা অব্যাহত আছে ভাৰতীয় দলটোৰ । গ্ৰুপ পৰ্য্যায়ৰ খেলত ক্ৰমাগতভাৱে প্ৰতিখন খেলতে জয়লাভ কৰাৰ পাছত ছুপাৰ এইটত প্ৰৱেশ কৰিছিল ভাৰতে । ছুপাৰ এইটৰ তিনিখন খেলতে বিজয় লাভ কৰি তালিকাৰ শীৰ্ষস্থান দখলৰ লগতে সোমবাৰে ছেমিফাইনেলত প্ৰৱেশ কৰে ভাৰতীয় দলটো । সোমবাৰে ছুপাৰ এইটৰ অন্তিমখন খেলত ভাৰতীয় দলটোৱে ২৪ ৰাণত অষ্ট্ৰেলিয়াক পৰাস্ত কৰে ।
ভাৰতীয় দলটোৰ হৈ সর্বাধিক ৪১ টা বলত ৯২ ৰাণ সংগ্ৰহ কৰে অধিনায়ক ৰোহিত শৰ্মাই । ৰোহিত শৰ্মাৰ বিস্ফোৰক বেটিঙ আৰু অৰ্শদীপ সিং, বুমৰাহ,অক্সৰ, কুলদ্বীপ যাদৱৰ দুৰ্দান্ত বলিঙৰ সহায়ত এক দর্শনীয় বিজয় সাব্যস্ত কৰে ভাৰতে ।
উল্লেখযোগ্য যে অহা ২৭ জুনত ৱেষ্ট ইণ্ডিছৰ গুৱেনাস্থিত প্ৰভিডেন্স ষ্টেডিয়ামত অনুষ্ঠিত হ’বলগীয়া দ্বিতীয় খন ছেমি ফাইনেলত ইংলেণ্ডৰ বিৰুদ্ধে অৱতীৰ্ণ হ’ব ভাৰতীয় দলটো।
