ইন্দোৰৰ ছিৰপুৰ পুখুৰীৰ নলা বন্ধ কৰি তাত নিৰ্মাণ কৰা হয় এটা পথ। লগতে প্ৰস্তুতি চলিছিল খালী কৃষিভূমিত অবৈধ কলনী গঢ়ি তোলাৰ। ৪ জুনৰ পুৱা পৌৰ নিগমৰ নিষ্কাশন দলটোৱে বিষয়াসকলৰ সৈতে ঘটনাস্থলীত উপস্থিত হৈ নলাটোত নিৰ্মিত পথটো খান্দি উলিয়ায়, লগতে আন আন অবৈধ নিৰ্মাণকাৰ্যসমূহ আঁতৰাই পেলোৱা হয়।
পৌৰ নিগমৰ বিষয়াসকলে জনোৱা মতে, ছিৰপুৰ গাঁও অঞ্চলৰ খালী কৃষিভূমিৰ কাষত থকা শতিকা পুৰণি ছিৰপুৰ হ্ৰদৰ মূল নলাটোৰ ওপৰত পথ নিৰ্মাণৰ কাম চলি আছিল। শেহতীয়াকৈ এই নলাটো ক্ৰমান্বয়ে বেদখল কৰা হৈছিল আৰু পিছলৈ একাংশ লোকে নলাটো সম্পূৰ্ণৰূপে অৱৰোধ কৰি তাৰ ওপৰত এটা পথ নিৰ্মাণ কৰিছিল।
পৌৰ নিগমৰ বিষয়ব্বীয়াসকলৰ এটা দেল তদন্ত কৰিবলৈ উপস্থিত হোৱাৰ লগে লগে পুখুৰীৰ নলাত নিৰ্মাণ কৰা পথটো দেখি তেওঁলোকে স্তম্ভিত হৈ এই বিষয়ে কৰ্তৃপক্ষক অৱগত কৰে। ইয়াৰ পিছতে আজি পুৱা পৌৰ নিগমৰ বিষয়াৰ এটা দল উপস্থিত হৈ বেদখল আঁতৰাই পেলায়।
বিষয়াসকলে জনোৱা মতে, জেচিবিৰ সহায়ত পুখুৰীটোৰ নলাৰ ওপৰত নিৰ্মাণ কৰা পথ আৰু অন্যান্য বেদখল আঁতৰাই পেলোৱা হৈছে। যেতিয়া বিষয়াসকলে সেই অঞ্চলৰ স্থানীয় বাসিন্দাসকলক এই সন্দৰ্ভত প্ৰশ্ন কৰে, তেতিয়া তেওঁলোকে ৰঘুবংশী নামৰ এজন লোকৰ পৃষ্ঠপোষকতাত এনেধৰণৰ কাৰ্য সংঘটিত হৈ আছে বুলি কয়। ইয়াৰোপৰি এই অঞ্চলত খালী কৃষিভূমিত গুদাম আৰু অন্যান্য নিৰ্মাণ কাৰ্য্যও অবৈধভাৱে নিৰ্মাণ কৰা হৈছে আৰু পৌৰ নিগমৰ দলটোৱে বিষয়াসকলে এই সন্দৰ্ভতো তদন্ত আৰু ব্যৱস্থা গ্ৰহণৰ বাবে সাজু হৈছে।
