জম্মু-কাশ্মীৰৰ আখনুৰৰ পৰা আহিছে এটা ডাঙৰ খবৰ। ৰাষ্ট্ৰীয় সংবাদ মাধ্যমত প্ৰকাশিত খবৰ অনুসৰি অঞ্চলটোত নিৰাপত্তা বাহিনীয়ে চলোৱা অভিযানৰ সময়ত তিনিজন সন্ত্ৰাসবাদী নিহত হৈছে।
ঘটনা সন্দৰ্ভত এজন শীৰ্ষ বিষয়াই কয় যে অঞ্চলটোত আত্মগোপন কৰি থকা তিনিজন সন্ত্ৰাসবাদী সেনাৰ গুলীৰ নিহত হৈছে। সন্ত্ৰাসবাদী কেইজনৰ মৃতদেহ এতিয়াও উদ্ধাৰ হোৱা নাই।
ঘটনা সংঘটিত হোৱা অঞ্চলটোত আৰু অধিক সন্ত্ৰাসবাদীয়ে আত্মগোপন কৰি থকাৰ আশংকা প্ৰকাশ কৰি সেনা বাহিনীৰ দলে এতিয়াও তালাচী অভিযান অব্যাহত ৰাখিছে।
উল্লেখযোগ্য যে জম্মু-কাশ্মীৰৰ আখনুৰত আজি পুৱা সন্ত্ৰাসবাদীয়ে সেনাৰ এখন এম্বুলেন্স বাহনক লক্ষ্য কৰি ধাৰাসাৰ গুলীবৰ্ষণ কৰিছিল। ঘটনাৰ পিছতেই লগে লগে নিৰাপত্তা বাহিনীয়ে সমগ্ৰ অঞ্চলটো ঘেৰাও কৰি সন্ত্ৰাসবাদী কেইজনৰ সন্ধানত অভিযান আৰম্ভ কৰে।
