আজি IPL-২০২৬ৰ ফাইনেল। ৰয়েল চেলেঞ্জাৰ্ছ বাংগালুৰুৰ মুখামুখি হ’ব গুজৰাট টাইটানছ। সন্ধিয়া ৭.৩০ বজাত আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব হাইভল্টেজ মেচখন। ক্ৰমাগত দ্বিতীয়বাৰৰ বাবে খিতাপ দখলৰ লক্ষ্যৰে নামিব RCB।
নতুন দিল্লীত কেন্দ্ৰীয় ৰে’লমন্ত্ৰী অশ্বিনী বৈষ্ণৱক সাক্ষাৎ মুখ্যমন্ত্ৰী ড° হিমন্ত বিশ্ব শৰ্মাৰ। সাক্ষাতৰ সময়ত ৰাজ্যৰ ১,৩০০ কিল’মিটাৰতকৈ অধিক ৰে’লপথ সম্প্ৰসাৰণ তথা ৫০টাৰো অধিক অমৃত ষ্টেচনৰ উন্নয়নমূলক কাৰ্যসূচীকে ধৰি অসমৰ সামগ্ৰিক ৰে’ল নেটৱৰ্ক আৰু ৰে’ল আন্তঃগাঁথনিৰ বিভিন্ন দিশক লৈ আলোচনা কৰে মন্ত্ৰীদ্বয়ে।
১৫হাজাৰ টকা দিয়েই বাংলাদেশৰ পৰা ভাৰতলৈ আহে বাংলাদেশী। কেমেৰাৰ সন্মুখত সীমান্তত বাংলাদেশীৰ বিস্ফোৰক স্বীকাৰোক্তি। এৰাতিৰ ভিতৰতে দালালক টকা দি ভাৰতীয় হোৱা বাংলাদেশীক বিতাৰণৰ নিৰ্দেশ শুভেন্দু চৰকাৰৰ। মমতা বেনাৰ্জীৰ শাসন উফৰাই বংগত বাংলাদেশীৰ বিৰুদ্ধে এক্সন বিজেপিৰ।
দক্ষিণ ২৪ পৰগনা জিলাৰ সোণাৰপুৰ ভ্ৰমণৰ সময়ত তৃণমূল কংগ্ৰেছৰ ৰাষ্ট্ৰীয় সাধাৰণ সম্পাদক তথা সাংসদ অভিষেক বেনাৰ্জীক আক্ৰমণৰ বলি হোৱাৰ অভিযোগত শনিবাৰে পশ্চিম বংগৰ ৰাজনীতিত এক বৃহৎ বিতৰ্কৰ সৃষ্টি হয়। এই ঘটনাই টিএমচি আৰু বিজেপিৰ মাজত দোষাৰোপ কৰাৰ খেলৰ সৃষ্টি কৰাৰ বিপৰীতে বিভিন্ন বিৰোধী দলৰ নেতাসকলেও প্ৰতিক্ৰিয়া প্ৰকাশ কৰে। নিৰ্বাচনৰ পিছৰ হিংসাত ক্ষতিগ্ৰস্ত পৰিয়ালক সাক্ষাৎ কৰিবলৈ গৈ সোণাৰপুৰত আছিল অভিষেক বেনাৰ্জী। তেওঁৰ কনভয় আৰু সভাস্থলীত ইটা, শিল, কণী নিক্ষেপ কৰা বুলি অভিযোগ উঠিছে। বিজেপি সমৰ্থকে এই আক্ৰমণ সংঘটিত কৰা বুলি অভিযোগ উত্থাপন কৰে টিএমচিয়ে।
২৯ মে’ত আমেৰিকাৰ ৰাষ্ট্ৰপতি ড’নাল্ড ট্ৰাম্পে হৰমুজ জলদ্বীপত আমেৰিকাৰ নৌসেনাৰ অৱৰোধ প্ৰত্যাহাৰ সন্দৰ্ভত এক বৃহৎ বক্তব্য প্ৰদান কৰে। তেওঁ কয় যে, আমেৰিকাই হৰমুজ জলদ্বীপত নৌসেনাৰ অৱৰোধ উঠাই ল’বলৈ সাজু যদিও ইৰাণে কেতিয়াও পাৰমাণৱিক অস্ত্ৰ বা বোমা নিৰ্মাণ কৰিবলৈ সন্মত হ’ব লাগিব। তেওঁ ইৰাণক অতি সোনকালে চূড়ান্ত সিদ্ধান্ত ল’বলৈ আহ্বান জনায়।
