পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• আজিৰে পৰা ফাষ্টট্ৰেক আদালতত হ’ব জুবিন গাৰ্গ মৃত্যু গোচৰৰ শুনানি। দৈনিক শুনানি গ্ৰহণ কৰিব আদালতে। ন্যায়াধীশ শৰ্মিলা ভূঞাৰ আদালতত চলিব বিচাৰ প্ৰক্ৰিয়া। গুৱাহাটী উচ্চ ন্যায়ালয়ৰ নিৰ্দেশমৰ্মে ন্যায়াধীশ শৰ্মিলা ভূঞাক এই বিষয়টোৰ দ্বায়িত্ব অৰ্পণ। এতিয়াৰে পৰা প্ৰতিদিনে হ’ব জুবিন গাৰ্গৰ গোচৰৰ শুনানি। প্ৰবল জনমতৰ বাবে চৰকাৰৰ অনুৰোধত উচ্চ ন্যায়লয়ে গঠন কৰিছিল ফাষ্টট্ৰেক আদালত।
• নিৰ্বাচনৰ পূৰ্বে বিপদত বদৰুদ্দিন আজমল। বদৰুদ্দিন আজমলক নিষিদ্ধ কৰিলে ২ ইছলামিক সংগঠনে। অসম ৰাজ্যিক মৌলানা মুস্তাক আনফৰ জমিয়ত উলেমা আৰু নদওয়াতুত তামীৰ নামৰ ২ সংগঠনে বৰ্জন কৰিলে AIUDF আৰু আজমলক। ডবকাত আজমলৰ বিৰুদ্ধে সমবেত হৈছে হাজাৰ হাজাৰ আলিম আৰু উলেমা। AIUDF আৰু বদৰুদ্দিন আজমলক মুছলমানৰ প্ৰধান শত্ৰু আখ্যা। লগতে আজমলে বিজেপিক সহায় কৰি আহিছে বুলি মন্তব্য আলিম-উলেমাৰ। সাম্প্ৰদায়িকৰণত সাৰ-পানী যোগোৱা আজমলক বৰ্জন কৰাৰ আহ্বান।আজমলৰ সমষ্টিতে অজাপৰ প্ৰাৰ্থীক মুকলিকৈ সমৰ্থন ইছলামিক সংগঠনৰ।
• দ্বিতীয় দিনাও অসমত নিৰ্বাচনী প্ৰচাৰ চলাব বিজেপিৰ ৰাষ্ট্ৰীয় সভাপতি নীতিন নবীনে। জাগীৰোড আৰু বোকাখাতত বিজেপিৰ ৰাষ্ট্ৰীয় সভাপতিৰ সভা। পুৱা দেওশাল আঞ্চলিক খেলপথাৰত নীতিন নবীনৰ জনসভা। জাগীৰোডৰ বিজেপিৰ প্ৰাৰ্থী পীযূষ হাজৰিকাৰ হৈ প্ৰচাৰ চলাব বিজেপিৰ ৰাষ্ট্ৰীয় সভাপতিয়ে। ইয়াৰ পাছতে বোকাখাতত অগপ প্ৰাৰ্থী অতুল বৰাৰ হৈ চলাব নিৰ্বাচনী প্ৰচাৰ।
• বিহাৰৰ মুখ্যমন্ত্ৰী নীতিশ কুমাৰে ৰাজ্যিক বিধান পৰিষদৰ পৰা পদত্যাগ কৰাৰ সম্ভাৱনাক লৈ আজি ৰাজনৈতিক কাৰ্যকলাপ তুংগত উঠিছে। মুখ্যমন্ত্ৰীৰ চৰকাৰী বাসগৃহত দলৰ জ্যেষ্ঠ নেতাসকলে বৈঠক অনুষ্ঠিত কৰিছে। মন কৰিবলগীয়া যে, ১৬ মাৰ্চত ৰাজ্যসভাৰ আসনত জয়লাভ কৰাৰ পিছত আইন অনুসৰি তেওঁ বিধানসভাৰ পৰা ৩০ মাৰ্চৰ ভিতৰত পদত্যাগ কৰাটো বাঞ্ছনীয়।
• ইৰানৰ সমৰ্থনত লাখ লাখ আমেৰিকাৰ জনতাৰ প্ৰতিবাদ। ট্ৰাম্পৰ বিৰুদ্ধে লাখ লাখ আমেৰিকানৰ প্ৰতিবাদ। আয়াতুল্লা খামেইনিৰ নিধনৰ পিছত নিজৰ দেশতেই জনপ্ৰিয়তা হেৰুৱাইছে ৰাষ্ট্ৰপতি ট্ৰাম্পে। ইৰানৰ শাসন ব্যৱস্থাক সলনি কৰিব বিচৰা ট্ৰাম্পকে এইবাৰ সলনি কৰিব বিচাৰিছে জনতাই। ৱাশ্বিংটন, নিউয়ৰ্ক, চিকাগো, বষ্টন চহৰত ভয়ংকৰ প্ৰতিবাদ। ট্ৰাম্পক শাসনৰ পৰা নমাবৰ বাবে আমেৰিকাত এই প্ৰতিবাদ।