বৈভৱ সূৰ্যবংশীৰ নাম আজিকালি ক্ৰিকেটত বহু চৰ্চিত হৈ আছে। IPL ২০২৫ৰ নিলামত তেওঁ ১.১০ কোটি টকাৰ বিড লাভ কৰাৰ পিছৰে পৰা এই আলোচনা চলি আছে।
কিন্তু, ১৯ বছৰ অনুৰ্ধ এছিয়া কাপৰ পিছত এতিয়া সীমান্তৰ সিপাৰে পাকিস্তানতো বৈভৱ সূৰ্য্যবংশীৰ কথা উল্লেখ কৰা হৈছে। বৈভৱ সূৰ্যবংশীয়ে প্ৰদৰ্শন দেখি পাকিস্তান আচৰিত হৈছে। ১৩ বছৰীয়া ভাৰতীয় ল’ৰা এটাই এনে ক্ষমতা, পাকিস্তানৰ চিন্তাৰ কাৰণ হৈ পৰিছে।
১৯ অনুৰ্ধ এছিয়া কাপত বৈভৱ সূৰ্যবংশীয়ে ১২টা ছয়ৰে মুঠ ১৭৬ ৰান সংগ্ৰহ কৰে, য’ত ২টা অৰ্ধশতকো অন্তৰ্ভুক্ত। UAEৰ বিৰুদ্ধে খেলা অৰ্ধশতকৰ ইনিংছত তেওঁ ৬টা ছয় সংগ্ৰহ কৰে। ইয়াৰ পিছত তেওঁ শ্ৰীলংকাৰ বিৰুদ্ধে প্ৰতিযোগিতাখনৰ ছেমি ফাইনেলত ৫টা ছয় সংগ্ৰহ কৰে।
পাকিস্তানী ক্ৰিকেটাৰ জুনাইদ খানে প্ৰশ্ন কৰে যে, ১৩ বছৰীয়া ল’ৰা এটাই ইমান দীঘল ছয় মাৰিব পাৰে নেকি? এই প্ৰশ্নৰ সমান্তৰালকৈ তেওঁ ১৯ বছৰ অনুৰ্ধ এছিয়া কাপত ছয়ৰ এটা ভিডিঅ’ও পোষ্ট কৰে।
জুনাইদ খানে উত্থাপন কৰা প্ৰশ্নৰ পৰা দেখা যায় যে, বৈভৱ সূৰ্যবংশীৰ বয়সক লৈ তেওঁৰ আপত্তি আছে।বৈভৱৰ বয়সৰ ওপৰত পূৰ্বতেও তেওঁ প্ৰশ্ন উত্থাপন কৰিছে। কিন্তু, সংবাদ মাধ্যমৰ সৈতে কথা পাতি থাকোঁতে বৈভৱৰ প্ৰশিক্ষক মনীষ ওঝাই জনাইছে যে, বিচিচিআইয়ে হাড় পৰীক্ষাৰ জৰিয়তে বৈভৱৰ বয়সো পৰীক্ষা কৰিছে। গতিকে এতিয়া তাত কোনো সন্দেহ নাই।
