পণ্ডিত ৰবিশংকৰ শুক্লা বিশ্ববিদ্যালয়ত শংকৰদেৱ আসন প্ৰতিস্থা কৰাৰ সিদ্ধান্তৰ বাবে ছত্তীশগড়ৰ মুখ্যমন্ত্ৰী বিষ্ণু দেও ছাইক আন্তৰিকতাৰে কৃতজ্ঞতা জ্ঞাপন কৰিছে ৰাজ্যিক বিজেপিয়ে।
মঙলবাৰে এক প্ৰেছ বিবৃতিৰ জৰিয়তে বিজেপি অসম প্ৰদেশৰ মুখ্য মুখপাত্ৰ মনোজ বৰুৱাই কয় যে ছত্তীশগড় চৰকাৰে পণ্ডিত ৰবিশংকৰ শুক্লা বিশ্ববিদ্যালয়ত মহান বৈষ্ণৱী সাধু আৰু সমাজ সংস্কাৰকজনৰ নামত এখন আসন প্ৰতিস্থাৰ পদক্ষেপে অসম আৰু ছত্তীশগড় উভয়কে আৱেগিক, সাংস্কৃতিক আৰু শৈক্ষিক দিশত অধিক ঘনিষ্ঠ কৰি তোলাত বহুখিনি সহায় কৰিব।
দুয়োখন ৰাজ্যৰ মাজত সাংস্কৃতিক আদান-প্ৰদানৰ বাবে উদ্যোগ লোৱাৰ বাবেও ৰাজ্যিক বিজেপিয়ে ছত্তীশগড়ৰ ৰাজ্যপাল ৰমেন ডেকাক শলাগ লয়। এই পদক্ষেপৰ বাবে ছত্তীশগড় চৰকাৰে ২০২৫-২০২৬ চনৰ ৰাজ্যিক বাজেটত ২ কোটি টকা আবণ্টন দিয়া হৈছে।
বিবৃতিটোত আৰু কোৱা হৈছে যে আগন্তুক দিনত সাধু-পণ্ডিতগৰাকীৰ সৃষ্টি, ভাওনাকে ধৰি তেওঁৰ অমূল্য অৱদানৰ সৈতে একেলগে লৈ যাব।
আনহাতে, জাগীৰোডত ৰতন টাটা ইলেক্ট্ৰনিক চিটি স্থাপনৰ কেবিনেটৰ সিদ্ধান্তক অসম প্ৰদেশ বিজেপিয়ে আদৰণি জনায়।
