সোমবাৰে ৰাতিপুৱা পাকিস্তানৰ বান্নু চহৰত সংঘটিত হয় এক ভয়ংকৰ বিস্ফোৰণ। ফলত চহৰখনৰ বহুতো অট্টালিকা, দোকান আদিৰ বিস্তৰ ক্ষতিসাধন হয়। এই আকস্মিক বিস্ফোৰণৰ ফলত পাকিস্তানৰ সাধাৰণ জনসাধাৰণৰ মাজত এক শংকাৰ পৰিবেশে বিৰাজ কৰে।
বিস্ফোৰণটো সোমবাৰে পুৱতি নিশা পাকিস্তানৰ বান্নু চহৰৰ সেনানিবাসৰ সন্মুখত সংঘটিত হয়। জৈশ-ফুৰচান-ই-মুহম্মদ নামৰ এজন লোকে বান্নু সেনানিবাসত সংঘটিত এই বিস্ফোৰণৰ দ্বায়িত্ব স্বীকাৰ কৰে। তেওঁ পাকিস্তানৰ তালিবানী নেতা গুল বাহাদুৰৰ গোটৰ লগত জড়িত।
খবৰ অনুসৰি, এই বিস্ফোৰণ পাকিস্তানৰ খাইবাৰ পাখতুনখোৱা প্ৰদেশৰ বান্নু চহৰৰ সেনানিবাসৰ কোহাটি গেটত সংঘটিত হয়। য’ত বিস্ফোৰণকাৰীয়ে নিজৰ ব্য়ক্তিগত বাহন এখনত বোমা ৰাখি বিস্ফোৰণ সংঘটিত কৰে।
পাকিস্তানৰ এই বান্নু চহৰক নিৰাপত্তাৰ ক্ষেত্ৰত এক সংবেদনশীল অঞ্চল হিচাপে গণ্য় কৰা হয়। এই অঞ্চলটো তেহৰিক-ই-তালিবান পাকিস্তান (টিটিপি)ৰ এক দূৰ্গ হিচাপে গণ্য় কৰা হয়। ইয়াৰ আগতেও, তাত সামৰিক সেনানিবাসৰ ওপৰত বহুতো আক্ৰমণ হৈ আহিছে। পাকিস্তানী সেনাই সন্ত্ৰাসবাদীক নিৰ্মূল কৰাত নিয়োজিত হৈ থকাৰ সময়তে সন্ত্ৰাসবাদী সংগঠনসমূহে দেশখনত এনেধৰণৰ ঘটনা সংঘটিত কৰে।
জানিবপৰা মতে, বৰ্তমানেও এই অঞ্চলটোত প্ৰচণ্ড গুলীবৰ্ষণ হৈ আছে।
