উত্তৰ পাকিস্তানত হোৱা প্ৰাকৃতিক দুৰ্যোগৰ ফলত ক্ষতিগ্ৰস্ত লোকসকলক সহায়ৰ বাবে উদ্ধাৰ অভিযানৰ বাবে যোৱা এখন হেলিকপ্টাৰ দুৰ্ঘটনাগ্ৰস্ত হোৱাত হেলিকপ্টাৰখনত থকা পাঁচজন সদস্যৰ মৃত্যু হয়।
পাখতুনখোৱা প্ৰদেশৰ মুখ্যমন্ত্ৰীৰ মন্তব্যৰ উদ্ধৃতিৰে এই কথা প্ৰকাশ কৰিছে এটা নিউজ এজেন্সিয়ে।
মহম্মদ জিলাৰ পাণ্ডিয়ালী অঞ্চলত বেয়া বতৰৰ বাবেই এই দুৰ্ঘটনা সংঘটিত হোৱা বুলি জানিবলৈ দিয়ে পাখতুনখোৱা প্ৰদেশৰ মুখ্যমন্ত্ৰী আলী আমিন গাণ্ডাপুৰে। মহম্মদ জিলাৰ পাণ্ডিয়ালী অঞ্চলত বৰষুণ তথা বান বিধ্বস্ত লোকসকলৰ বাবে সাহায্য সামগ্ৰী কঢ়িয়াই নিয়া এম আই-১৭ হেলিকপ্টাৰ দুৰ্ঘটনাগ্ৰস্ত হৈ দুজন পাইলটকে ধৰি পাঁচজন ক্ৰু মেম্বাৰৰ মৃত্যু হয়।
অৱশ্যে বেয়া বতৰৰ বাবে নে আন কিবা কাৰণত দুৰ্ঘটনা সংঘটিত হৈছে সেয়া এতিয়াও কৰ্তৃপক্ষৰ পৰা কোনো আনুষ্ঠানিক তথ্য লাভ কৰা হোৱা নাই। উদ্ধাৰ অভিযানকাৰী দলক দুৰ্ঘটনাস্থলীলৈ প্ৰেৰণ কৰা হৈছে।
