চুইডেনৰ নাগৰিকত্ব লাভ কৰিলে যোৰহাটৰ ইচিকাই। আঢ়ৈ বছৰীয়া ইচিকাৰ চিনাকী হ’ল চুইডেন। কিয়নো চুইডেনৰ দম্পত্তিয়ে তুলি ল’লে কণমানি ইচিকাক।
বিদেশী ৰাষ্ট্ৰ চুইডেনৰ কাৰ্ল ইনজেমা মেঠিয়াচ পাৰচেন আৰু ইভা মাৰিয়ানি গতচক নামৰ এটা দম্পতীয়ে নিজ সন্তান হিচাপে গ্ৰহণ কৰিলে ইচিকাক। পেছাত কাৰ্ল ইনজেমা মেথিয়াচ পাৰচেন অভিযন্তা আৰু তেওঁৰ পত্নী হৈছে শিক্ষয়ত্ৰী।
যোৰহাটৰ আৱৰ্ত ভৱনত মৰিয়নী সমষ্টিৰ বিধায়ক ৰূপজ্যোতি কুৰ্মী আৰু প্ৰশাসনৰ বিষয়ববীয়াৰ উপস্থিতত আয়োজিত এক বিশেষ অনুষ্ঠানত সংগঠনটোৱে দম্পতীটোক ইচিকাক হস্তান্তৰ কৰে। ইফালে, সন্তানটিক গ্ৰহণ কৰি আনন্দিত হৈ পৰে বিদেশী দম্পত্তিটোৱে।
উল্লেখ্য যে, ইচিকাক এগৰাকী অবিবাহিত মাতৃয়ে শিশু কল্যাণ সমিতিক মাত্ৰ জন্মৰ ৯ দিনতে চমজাই দিছিল। স্বৰাজ নামৰ স্বেচ্ছাসেৱী সংস্থাৰ তত্বাৱধানত থকা কণমানি জনীৰ আঢ়ৈ বছৰ হোৱাৰ পিছত মঙলবাৰে সম্পূৰ্ণ নীতি-নিয়মেৰে দম্পতিটোক চমজাই দিয়া হয়।
