সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
মহানগৰীৰ উলুবাৰীত বিদ্যুৎস্পৃষ্ট হৈ গুৰুতৰভাৱে আহত ৩ জন। BARৰ নিৰ্মাণকাৰ্য চলাবলৈ গৈ বিদ্যুৎস্পৃষ্ট হৈ আহত হয় এই শ্ৰমিক ৩ জন। উলুবাৰীস্থিত ZANS COMPLEXত সংঘটিত এই ভয়ংকৰ অঘটন। D Father Restro & Barৰ নিৰ্মাণকাৰ্য চলাই থকাৰ সময়তে ঘটে এই দুৰ্ঘটনা। লোৰ পাইপ তলৰ পৰা ওপৰত উঠাবলৈ লওঁতেই এই অঘটন।
ৰুদ্ৰাক্স মলস্থিত EXORO বাৰৰ অনুজ্ঞাপত্ৰ নিলম্বন। নীতি বৰ্হিভূতভাবে পুৱতি নিশা লৈকে খোলা ৰাখিছিল বাৰ খন। নিশা ১২.৩০ মিনিতলৈকেহে আছিল খোলাৰ অনুমতি। মঠঘৰীয়াৰ দুৰ্ঘটনাৰ তদন্তত পোহৰলৈ আহিছিল এই কথা। তাৎক্ষণিকভাৱে বলবৎ হোৱাকৈ নিলম্বন কৰা হৈছে অনুজ্ঞাপত্ৰ। সমগ্ৰ ঘটনাৰ তদন্তৰ নিৰ্দেশ জিলা আয়ুক্ত স্বপ্নীল পালৰ। ১৫ দিনৰ ভিতৰত তদন্তৰ প্ৰতিবেদন দাখিলৰ নিৰ্দেশ।
হিমাচল প্ৰদেশত ভয়ংকৰ দুৰ্ঘটনা। নিয়ন্ত্ৰণ হেৰুৱাই দ’ খাৱৈত পৰে চাৰিচকীয়া বাহন। দুৰ্ঘটনাত থিতাতে নিহত দুজনকৈ লোক। হিমাচল প্ৰদেশৰ চিন্তপূৰ্ণি-ভৰৱাই পথত এই দুৰ্ঘটনা। চিন্তপূৰ্ণি মন্দিৰ পৰিদৰ্শন কৰি উভতি আহিছিল দলটো। CCTVত বন্দী হ’ল ভয়ংকৰ দুৰ্ঘটনাৰ দৃশ্য।
দিল্লী-মুম্বাই এক্সপ্ৰেছৱেত ভয়ংকৰ দুৰ্ঘটনা। দুৰ্ঘটনাত সম্পূৰ্ণৰূপে ভস্মীভূত এখন বাহন। অগ্নিদগ্ধ হৈ মৃত্যু একেটা পৰিয়ালৰে ৫ গৰাকীৰ। বাহনৰ পৰা জঁপিয়াই প্ৰাণ ৰক্ষা চালকৰ। আলোৱাড়ত সংঘটিত হৈছে এই দুৰ্ঘটনা। বৈষ্ণো দেৱী মন্দিৰ দৰ্শন কৰি উভতি আহিছিল পৰিয়ালটো।
পুনৰ এবাৰ আফগানিস্তান আৰু পাকিস্তানৰ মাজত উত্তেজনা বৃদ্ধি পাইছে। কাবুলে পাকিস্তানে এখন বিশ্ববিদ্যালয় আৰু আৱাসিক এলেকাত আক্ৰমণৰ অভিযোগ উত্থাপন কৰি শক্তিশালী স্থিতি গ্ৰহণ কৰিছে আৰু এই বিষয়ত পাকিস্তানৰ চাৰ্জ ডি এফেয়াৰ্ছক মাতিছে। মন্ত্ৰালয়ৰ মতে, কুনাৰ প্ৰদেশৰ এখন বিশ্ববিদ্যালয় আৰু ডুৰাণ্ড লাইনৰ কাষৰ অসামৰিক লক্ষ্য আৰু ৰাজহুৱা আন্তঃগাঁথনিত আক্ৰমণৰ অভিযোগৰ প্ৰতিবাদত এই ব্যৱস্থা গ্ৰহণ কৰা হৈছে।
