দক্ষিণ আমেৰিকাৰ দেশ ব্ৰাজিলৰ ৰাজধানী ৰিঅ’ ডি জেনেইৰ’ত ২৮ অক্টোবৰত আৰক্ষীৰ এক বৃহৎ অভিযান আৰম্ভ হয়। প্ৰায় ২৫০০ আৰক্ষী বিষয়া এই অভিযানত জড়িত আছিল। এই অভিযানৰ মূল লক্ষ্য আছিল বহু বছৰ ধৰি সক্ৰিয় হৈ থকা ড্ৰাগছ গেং ৰেড কমাণ্ডৰ বিৰুদ্ধে।
পুৱাৰে পৰা আৰম্ভ হোৱা এই অভিযানত আৰক্ষীয়ে হেলিকপ্টাৰ আৰু সাজসজ্জিত বাহন লৈ কেইবাটাও অঞ্চলত প্ৰৱেশ কৰে। নিৰাপত্তা বাহিনীয়ে আগবাঢ়ি যাবলৈ ধৰাৰ লগে লগে গেংৰ সদস্যই আৰক্ষীৰ ওপৰত তীব্ৰ গুলীচালনা কৰে। ঘণ্টাৰ পিছত ঘণ্টা ধৰি চলা যুদ্ধৰ ফলত ১৩০ জনতকৈ অধিক লোকৰ মৃত্যু হয়। নিহতসকলৰ ভিতৰত চাৰিজন আৰক্ষীও থকা বুলি জানিব পৰা গৈছে।
কেইবাটাও অঞ্চলত ৰাজপথত মৃতদেহ আৱৰ্জনা হৈ পৰাত স্থানীয় ৰাইজে প্ৰতিবাদ সাব্যস্ত কৰে। পৰিয়ালৰ লোকে অভিযোগ কৰে যে আৰক্ষীয়ে নিৰীহ দৰ্শকৰ ওপৰতো গুলীচালনা কৰে। কেইবাটাও পৰিয়ালে প্ৰতিবাদ সাব্যস্ত কৰি নিহতসকলৰ মৃতদেহ ৰাজপথত ৰাখি এই কাৰ্যক হত্যাকাণ্ড বুলি অভিহিত কৰে।
ৰিঅ’ আৰক্ষীয়ে এক বিবৃতিত কয় যে এই অভিযান নিচাযুক্ত সন্ত্ৰাসবাদৰ বিৰুদ্ধে। তেওঁলোকৰ মতে, যোৱা কেইমাহমানৰ পৰা ৰেড কমাণ্ডে প্ৰতিদ্বন্দ্বী গেং থাৰ্ড পিউৰ কমাণ্ড (টিচিপি)ৰ ভূখণ্ড দখল কৰিবলৈ চেষ্টা কৰিছিল, যাৰ ফলত হিংসাত্মক পৰিস্থিতি বৃদ্ধি পাইছিল। আৰক্ষীয়ে জনোৱা মতে, এই দলটোৰ হাতত আছিল অত্যাধুনিক অস্ত্ৰ-শস্ত্ৰ, গ্ৰেনেড, ড্ৰ’ন। আৰক্ষীৰ এগৰাকী মুখপাত্ৰৰ মতে, অসামৰিক অঞ্চলত নিৰাপত্তা সুনিশ্চিত কৰাৰ বাবে এই চক্ৰসমূহৰ আত্মগোপন স্থানসমূহ নিৰ্মূল কৰাৰ উদ্দেশ্য আছিল।
ৰিঅ’ ডি জেনেইৰ’ দীৰ্ঘদিন ধৰি ড্ৰাগছ লৰ্ড আৰু আৰক্ষীৰ মাজত সংঘৰ্ষৰ বাবে কুখ্যাত। ফেভেলাসমূহত অসংখ্য অপৰাধী সংগঠনে কাম কৰে, ৰেড কমাণ্ডো আটাইতকৈ পুৰণি আৰু প্ৰভাৱশালী। ই কেৱল ড্ৰাগছ ব্যৱসায়েই নহয়, বিদ্যুৎ, পানী, নিৰাপত্তাৰ দৰে স্থানীয় সেৱাসমূহকো নিয়ন্ত্ৰণ কৰে। এই গেং যুদ্ধত প্ৰতি বছৰে শ শ সাধাৰণ নাগৰিকৰ মৃত্যু হয়। আৰক্ষীৰ অভিযান প্ৰায়ে হিংসাত্মক পৰিস্থিতিত পৰিণত হয় যে নিৰীহ দৰ্শকসকলো ভুক্তভোগী হৈ পৰে।
