চৰকাৰে মুছলমান বিবাহ আৰু বিবাহ বিচ্ছেদ পঞ্জীয়ন আইন বাতিলৰ সিদ্ধান্ত গ্ৰহণৰ পিছতে ৰাজ্যজুৰি সৃষ্টি হৈছে প্ৰতিক্ৰিয়াৰ। ৰাজ্যজুৰি মুছলমান সম্প্ৰদায়ৰ মাজত সৃষ্টি হৈছে প্ৰতিক্ৰিয়াৰ। এই আইনখন বাতিল নকৰিবলৈ দাবী উত্থাপন কৰিছে মুছলমান সম্প্ৰদায়ৰ সচেতনলোকসকলে।
কাছাৰৰ সোনাইত চৰকাৰৰ এই সিন্ধান্তৰ বিৰোধিতাৰে এক প্ৰতিবাদী কাৰ্য্যসূচী গ্ৰহণ কৰিছে সোনাই অঞ্চলৰ মুছলমান সমাজৰ সচেতন লোকসকলে । প্ৰতিবাদকাৰীসকলে ৰাজহ চক্ৰ বিষয়াৰ জৰিয়তে মুখ্যমন্ত্ৰী ড° হিমন্ত বিশ্ব শৰ্মালৈ এখন স্মাৰকপত্ৰ প্ৰেৰণ কৰিছে।
প্ৰতিবাদকাৰীসকলে কয়, ১৯৩৫ চনৰ পৰা মুছলিম বিবাহ আৰু বিবাহ বিচ্ছেদ আইন সমগ্ৰ দেশত চলি আহিছে। কিন্তু ৰাজ্য চৰকাৰে হঠাৎ এই আইন বাতিলৰ সিদ্ধান্তক তেওঁলোকে সহজভাৱে ল’ব পৰা নাই। চৰকাৰে এই আইনখন বাতিল কৰি মুছলমানৰ ধৰ্মীয় অনুভূতিত আঘাত দিবলৈ অনুৰোধ জনাইছে প্ৰতিবাদকাৰীসকলে।
উল্লেখ্য যে, ১৮ জুলাইত মুখ্যমন্ত্রী ড° হিমন্ত বিশ্ব শৰ্মাৰ নেতৃত্বাধীন কেবিনেটে মুছলিম বিবাহ আৰু বিবাহ বিচ্ছেদ পঞ্জীয়ন আইন বাতিলৰ সিদ্ধান্ত গ্ৰহণ কৰিছে। লগতে, আগন্তুক বিধানসভা অধিবেশনত এই আইন বাতিল কৰিবলৈ বিধেয়ক অনাৰ সিদ্ধান্ত গ্ৰহণ কৰা হৈছে।
