ইউক্ৰেইনৰ ৰাজধানী কিয়ভত ১৮ এপ্ৰিলত সংঘটিত হয় ভয়ংকৰ গুলীচালনা। এই ঘটনাত ৫জন লোক নিহত হোৱাৰ লগতে কেইবাজনো লোক আহত হয়। ইউক্ৰেইনৰ বিষয়াসকলে জনোৱা মতে, এই ঘটনাৰ আক্ৰমণকাৰীজনক চুপাৰ মাৰ্কেটত আৰক্ষীৰ অভিযানত হত্যা কৰা হয়।
ইউক্ৰেইনৰ স্বৰাজ মন্ত্ৰী ইহ’ৰ ক্লিমেংকোৱে কয় যে, সন্দেহজনক লোকজনক গ্ৰেপ্তাৰ কৰাৰ চেষ্টাৰ সময়তে হত্যা কৰা হয়। লগতে বন্দুকধাৰীজনে আৰক্ষীৰ ওপৰত গুলীচালনা কৰাৰ লগতে বহুকেইজনক পণবন্দী কৰি লৈ যায়। কিয়ভৰ হোলোচিভস্কি জিলাত সংঘটিত হৈছে এই ঘটনা। ইউক্ৰেইনৰ ৰাষ্ট্ৰপতি ভ’ল’ডিমাইৰ জেলেনস্কিয়ে কয় যে, এই কাণ্ডত ৫ জন লোকৰ মৃত্যু হৈছে। তেওঁ নিহত পৰিয়াললৈ শোক প্ৰকাশ কৰি তদন্ত
ইউক্ৰেইনৰ বিষয়াসকলে জনোৱা মতে, কমেও ১০ জন লোক আহত হৈ চিকিৎসালয়ত ভৰ্তি কৰোৱা হৈছে। আৰক্ষীৰ অভিযানত চাৰিজন পণবন্দীক নিৰাপদে উদ্ধাৰ কৰা হয়।
ইউক্ৰেইনৰ ৰাষ্ট্ৰীয় আৰক্ষী আৰু নিৰাপত্তা সেৱাৰ বিষয়াসকলে এই ঘটনাৰ তদন্ত অব্যাহত ৰাখিছে। তদন্ত চলি থকাৰ সময়ত কেৱল পৰীক্ষিত তথ্যহে প্ৰকাশ কৰিবলৈ স্বৰাজ মন্ত্ৰালয়ক নিৰ্দেশ দিয়া হৈছে।
