পশ্চিমবংগৰ মুৰ্ছিদাবাদ জিলাত ভোটদানৰ সময়ত তীব্ৰ অশান্তিৰ সৃষ্টি হয়। তৃণমূল কংগ্ৰেছৰ ত্যাগ কৰা হুমায়ুন কবীৰ আৰু টিএমচিৰ কাৰ্যকৰ্তাৰ মাজত সংঘৰ্ষৰ সৃষ্টি হয়। হুমায়ুন কবীৰৰ বিৰুদ্ধে টিএমচিৰ কাৰ্যকৰ্তাই তীব্ৰ শ্লোগান দিয়ে। ইমানেই নহয় সেই ঠাইত নিয়োজিত নিৰাপত্তাৰক্ষীৰ সৈতেও উত্তপ্ত পৰিস্থিতিৰ সৃষ্টি হয় প্ৰতিবাদকাৰীৰ।
মুৰ্ছিদাবাদৰ নৌদাত টিএমচিৰ ব্লকৰ সভাপতিগৰাকীয়ে হুমায়ুন কবীৰৰ সৈতে তীব্ৰ কাজিয়াত লিপ্ত হয়। টিএমচিৰ ব্লকৰ সভাপতি আৰু কবীৰৰ মাজত উত্তপ্ত পৰিৱেশৰ সৃষ্টি হয়। কবীৰ আম জনতা উন্নয়ন পাৰ্টিৰ প্ৰাৰ্থী আৰু ইয়াৰ পূৰ্বে তেওঁ টিএমচিৰ পৰা পদত্যাগ কৰিছিল।
হুমায়ুন কবীৰে পৰিৱেশ বিঘ্নিত কৰাৰ অভিযোগ উত্থাপন কৰি টিএমচিৰ সমৰ্থকসকলে তেওঁৰ বিৰুদ্ধে শ্লোগান দি প্ৰতিবাদ সাব্যস্ত কৰে।তথাপিও নিৰাপত্তাৰক্ষীৰ উপস্থিতিয়ে পৰিস্থিত্ নিয়ন্ত্ৰণত সহায় কৰে। টিএমচিৰ কৰ্মীসকলে হুমায়ুন কবীৰক বিজেপিৰ এজেণ্ট আখ্যা দিয়ে। ৰেজিনগৰ সমষ্টিৰ পৰা প্ৰতিদ্বন্দ্বিতা কৰা হুমায়ুন কবীৰে নিজৰ সমষ্টিৰ বিভিন্ন ভোটগ্ৰহণ কেন্দ্ৰ পৰিদৰ্শন কৰি টিএমচি সমৰ্থকৰ প্ৰতিবাদৰ সন্মুখীন হৈছে।
ৰাজ্যৰ সৰু-বৰ প্ৰতিটো ঘটনাৰ বাবে মমতা বেনাৰ্জীক পোনপটীয়াকৈ লক্ষ্য কৰি অহা হুমায়ুন কবীৰে টিএমচিৰ সমৰ্থকৰ আক্ৰমণৰ সন্মুখীন হৈ আহিছে। মুৰ্ছিদাবাদৰ নাওদা বিধানসভা সমষ্টিত এটা খাৰুৱা বোমা নিক্ষেপ কৰাত একাংশ লোক আহত হোৱা বুলি জানিব পৰা গৈছে। ভোটদানৰ মাজতে বিভিন্ন দলৰ সমৰ্থকসকলে ৰাজপথলৈ ওলাই আহিছে, আৰু তেওঁলোকক ছত্ৰভংগ দিবলৈ নিৰাপত্তাৰক্ষীয়ে কাম কৰি আছে।
মুৰ্ছিদাবাদক অতি স্পৰ্শকাতৰ জিলা বুলি গণ্য কৰা হয়, আৰু এই ক্ষেত্ৰত নিৰাপত্তা বাহিনী মোতায়েন কৰা হৈছে। এই উত্তেজনাৰ মাজতে অৰ্ধসামৰিক বাহিনীৰ আন এটা কোম্পানী মোতায়েন কৰা হৈছে।
মুৰ্ছিদাবাদৰ বাবৰি মছজিদৰ আৰ্হিত নতুন মছজিদ নিৰ্মাণৰ বাবে বিতৰ্কিত প্ৰস্তাৱ আগবঢ়োৱাৰ পিছতে ২০২৫ চনৰ ডিচেম্বৰ মাহত টিএমচিয়ে দলৰ পৰা নিলম্বন কৰিছিল। হুমায়ুন কবীৰৰ এই বক্তব্যক সাম্প্ৰদায়িক সম্প্ৰীতি ভংগ আৰু দলীয় অনুশাসন উলংঘা বুলি গণ্য কৰা হয়। টিএমচিয়ে তেওঁক নিলম্বন কৰে, তাৰ পিছত তেওঁ নিজাকৈ দল গঠন কৰে।
