নগাঁও জিলাৰ ধিঙত সংঘটিত হৈছে এক ভয়ংকৰ পথ দুৰ্ঘটনা। ধিঙৰ লাঙিয়াত সংঘটিত এই পথ দুৰ্ঘটনাটোত এজন লোকৰ থিতাতে মৃত্যু হয়। আনহাতে আন এজন যুৱক গুৰুতৰভাৱে আঘাতপ্ৰাপ্ত হোৱাৰ খবৰ পোৱা গৈছে।
সংকটজনক অৱস্থাত আহত যুৱক জনক নগাঁৱলৈ প্ৰেৰণ কৰা হৈছে।
জানিব পৰা অনুসৰি, মটৰ চাইকেল আৰু এখন টাটা মোবাইলৰ মাজত হোৱা সংঘৰ্ষত এই ভয়ংকৰ দুৰ্ঘটনাটো সংঘটিত হয় বুলি স্থানীয় লোকে জানিব দিয়ে।
AS02A H1885 নম্বৰৰ মটৰচাইকেল আৰু AS02 DC 1454 নম্বৰৰ টাটা মোবাইলখনৰ মাজত হোৱা সংঘৰ্ষৰ পিছতেই ঘটনাস্থলীত ধিং আৰক্ষী উপস্থিত হৈ আৰম্ভ কৰিছে তদন্ত।
উল্লেখ্য যে, স্থানীয় লোকৰ ভাষ্য অনুসৰি, মটৰ চাইকেল আৰোহীসকলৰ তীব্ৰ বেগ আৰু ষ্টাণ্টৰ বাবেই ধিঙত এই ধৰণৰ ভয়ংকৰ দুৰ্ঘটনা সংঘটিত হৈ আহিছে।
