আয়ুষ্মান খুৰানাই নিজৰ প্ৰতিভাৰ আধাৰত কম সময়ৰ ভিতৰতে সমগ্ৰ দেশতেই বৃহৎ সফলতা অৰ্জন কৰিছে। আজিৰ দিনত তেওঁক প্ৰায় সমগ্ৰ বিশ্বৰ মানুহে তেওঁক চিনি পায় আৰু তেওঁৰ অভিনয় দক্ষতাক প্ৰশংসা কৰে। তেওঁৰ লিখনিও যথেষ্ট সুন্দৰ। ইয়াৰ উপৰিও তেওঁ সুন্দৰ গীতো পৰিবেশন কৰে আৰু সকলো অনুৰাগীৰ পৰায়েই ইতিবাচক সঁহাৰি লাভ কৰে।
শেহতীয়াকৈ আয়ুষ্মান খুৰানাই গীত পৰিবেশন কৰিবলৈ নিউয়ৰ্কলৈ যায়। তাত তেওঁৰ এখন কনচাৰ্ট আছিল। এই সময়ত অনুৰাগীসকলে তেওঁক উষ্ম আদৰণি জনোৱাৰ লগতে ছুপাৰষ্টাৰগৰাকীক উৎসাহিত কৰা দেখা যায়। কিন্তু এই সকলোবোৰৰ বাহিৰেও মঞ্চত পৰিবেশন কৰা আয়ুষ্মান খুৰৰানাৰ ওপৰত টকাৰ বৰষুণ কৰে এগৰাকী অনুৰাগীয়ে। দৰ্শকৰ পৰা এনে আকস্মিক সঁহাৰি দেখি আয়ুষ্মানো আচৰিত হয় আৰু এই বিষয়ত তেওঁ প্ৰতিক্ৰিয়াও প্ৰকাশ কৰে।
আচলতে আয়ুষ্মান খুৰাণাই মঞ্চত তেওঁৰ ছুপাৰহিট গীত ‘পানী দা ৰং দেখ কে’ গাই আছিল।এই সময়ছোৱাতেই দৰ্শকৰ মাজত বহি থকা কোনোৱে তেওঁৰ ওপৰত টকাৰ বৰষুণ হ’বলৈ ধৰে। প্ৰথম অৱস্থাত আয়ুষ্মান অলপ আচৰিত হয় আৰু আনকি তেওঁ কিছু সময়ৰ বাবে নিজৰ অনুষ্ঠানো বন্ধ কৰি দিয়ে৷
অৱশ্যে আয়ুষ্মানে অনুৰাগীজনৰ তেওঁৰ এই কাম বন্ধ কৰ্বলৈ কয়। লগতে তেওঁ কয় যে, ইয়াৰ সলনি তেওঁ এই ধন চেৰিটিত দান কৰিব পাৰে। আয়ুষ্মানৰ এই ভিডিঅ’টো ক্ৰমাৎ ছচিয়েল মিডিয়াত ভাইৰেল হৈ পৰিছে। অনুৰাগীয়ে তেওঁক প্ৰশংসা কৰা দেখা গৈছে।
