এক খবৰে তোলপাৰ লগাইছে বিশ্ব। লাখ লাখ কাউৰীক নিধন কৰিবলৈ এক নিৰ্দেশ জাৰি কৰাৰ পিছতে সৃষ্টি হৈছে তীব্ৰ প্ৰতিক্ৰিয়াৰ।
কেনিয়া চৰকাৰে ২০২৪ৰ ডিচেম্বৰৰ পূৰ্বে ১০লাখ কাউৰীক নিধন কৰিবলৈ এক নিৰ্দেশ জাৰি কৰিছে। এক বিষাক্ত বিহ দি লাখ লাখ কাউৰীক সমাপ্ত কৰিবলৈ নিৰ্দেশ দিছে কেনিয়া চৰকাৰে। কেনিয়া চৰকাৰে এই বিহ নিউজিলেণ্ডৰ পৰা অনাৰ বাবে যো-জা চলাইছে। হোটেল চলোৱা সকলোকে প্ৰদান কৰিব এই দ্ৰব্য। এই বিহ মাংসত মিহলাই খাবলৈ দিব কাউৰীক। আফ্ৰিকাৰ কেনিয়া দেশে কাউৰীৰ পৰা সকাহ পাবলৈ এই ভয়ংকৰ নিৰ্দেশ জাৰি কৰিছে।
কেনিয়াৰ বাবে ভাৰতীয় কাউৰী এতিয়া হৈ পৰিছে সমস্যাৰ কাৰণ। কেনিয়াত লাখে লাখে কাউৰীৰ সংখ্যা বৃদ্ধি পোৱাৰ ফলতে এই সিদ্ধান্ত কেনিয়া চৰকাৰে লৈছে বুলি প্ৰকাশ পাইছে খবৰ। এইবৰ্ষৰ ৩১ ডিচেম্বৰৰ ভিতৰত ১০লাখ কাউৰীক সমাপ্ত কৰাৰ বাবে আগবাঢ়িছে কেনিয়া চৰকাৰ। ভাৰতীয় কাউৰী কেনিয়াৰ জনজীৱনৰ বাবে সমস্যাৰ কাৰণ হৈ পৰিছে উল্লেখ কৰিছে কেনিয়াই। পৰ্যটনথলীত সমূহত হাজাৰ হাজাৰ কাউৰীৰ বাবে বাহিৰত খাদ্য পৰিৱেশন কৰিব নোৱাৰা হৈছে পৰ্যটক। কেনিয়াত থকা হোটেল সমূহত এতিয়া কেৱল কাউৰীৰ বাহ। লাখ লাখ কাউৰীৰ বাবে সমগ্ৰ কেনিয়া এতিয়া কদৰ্যময় হৈ পৰিছে বুলি উল্লেখ কৰিছে কেনিয়াই।
পানীৰ ফোৱাৰা আৰু ছুইমিং পুল সমূহতো কাউৰীৰ সন্ত্ৰাস চলাৰ বাবে পৰ্যটনৰ ক্ষেত্ৰত লোকচান ভৰিবলগীয়া হৈছে কেনিয়াই। আন আন সৰু সৰু বিদেশী পৰিভ্ৰমী চৰাই কাউৰীৰ বাবে প্ৰৱেশ নকৰে কেনিয়াত। সৰু সৰু প্ৰজাতিৰ চৰাইক কাউৰীয়ে ভক্ষণ কৰাৰ ফলত পৰিভ্ৰমী চৰাই হ্ৰাস পাইছে কেনিয়াত।
