বাংলাদেশত হিন্দুৰ লগতে আন সংখ্যালঘু লোকৰ ওপৰত চলি থকা নিৰ্মম আক্ৰমণৰ ঘটনাক তীব্ৰ গৰিহনা প্ৰদান কৰিছে ভাৰত চৰকাৰে। বাংলাদেশত থকা হিন্দুসকলৰ ওপৰত চলি থকা আক্ৰমণ সন্দৰ্ভত শুকুৰবাৰে বিদেশ মন্ত্ৰালয়ৰ প্ৰবক্তা ৰণধীৰ জয়ছৱালে কয় যে হিন্দু আৰু অন্যান্য সংখ্যালঘুৰ ওপৰত চলা ধাৰাবাহিক আক্ৰমণৰ বিষয়টো ভাৰতে বাংলাদেশ চৰকাৰৰ সৈতে ধাৰাবাহিকভাৱে আৰু শক্তিশালীভাৱে উত্থাপন কৰি আহিছে।
তেওঁ স্পষ্টকৈ কয় যে এই বিষয়ত আমাৰ স্থিতি স্পষ্ট – অন্তৱৰ্তীকালীন চৰকাৰে সকলো সংখ্যালঘুক সুৰক্ষা দিয়াৰ দায়িত্ব পালন কৰিব লাগে। উগ্ৰ বাক্যবাণ, হিংসা আৰু উচটনিমূলক ঘটনাৰ ক্ৰমবৰ্ধমান ঘটনাক লৈ আমি চিন্তিত।
বৈদেশিক পৰিক্ৰমা মন্ত্ৰালয়ে আৰু কয় যে এইবোৰ পৰিঘটনাক সংবাদ মাধ্যমে কেৱল অতিৰঞ্জিত বুলি উলাই কৰিব নোৱাৰি। ইস্কন হৈছে সমাজ সেৱাৰ এক শক্তিশালী অভিলেখ থকা বিশ্বব্যাপী বিখ্যাত সংস্থা। সংখ্যালঘুৰ সুৰক্ষাৰ বাবে সকলো পদক্ষেপ গ্ৰহণ কৰিবলৈ আমি পুনৰবাৰ বাংলাদেশক আহ্বান জনাইছো।
ইফালে চিন্ময় কৃষ্ণ দাসক গ্ৰেপ্তাৰ সন্দৰ্ভত বৈদেশিক পৰিক্ৰমা মন্ত্ৰালয়ে কয় যে ব্যক্তিৰ বিৰুদ্ধে গোচৰৰ ক্ষেত্ৰত যিমানদূৰলৈকে আইনী প্ৰক্ৰিয়া চলি আছে সেয়া আমি বিচাৰি পাইছো। আমি আশা কৰোঁ যে এই প্ৰক্ৰিয়াসমূহে বিষয়টো ন্যায়সংগত, ন্যায্য আৰু স্বচ্ছ পদ্ধতিৰে সমাধান কৰিব, সংশ্লিষ্ট সকলোৰে আইনী অধিকাৰৰ প্ৰতি সম্পূৰ্ণ সন্মান নিশ্চিত কৰিব।
উল্লেখ্য যে, চলিত সপ্তাহত দ্বিতীয়বাৰৰ বাবে বৈদেশিক পৰিক্ৰমা মন্ত্ৰালয়ে বাংলাদেশ সন্দৰ্ভত এনে বিবৃতি প্ৰকাশ কৰিছে।
