টিউশ্যনৰ পৰা ঘৰলৈ আহি থকা অৱস্থাত কিশোৰীৰ সৈতে কুকৰ্ম সংঘটিত কৰিছিল ৫ পাষণ্ডই। ঢেকীয়াজুলিৰ অৰুণা চাহ বাগিচাৰ ভয়ংকৰ ঘটনাই জোকাৰি গৈছে সমগ্ৰ অসম।
দলবদ্ধভাবে ৫ পাষণ্ডই কুকৰ্ম সংঘটিত কৰে কিশোৰীগৰাকীৰ সৈতে। এই ঘটনা পোহৰলৈ অহাৰ পিছতে সৃষ্টি হয় তীব্ৰ প্ৰতিক্ৰিয়াৰ। মুখ্যমন্ত্ৰী হিমন্ত বিশ্ব শৰ্মাই ভাষ্য প্ৰদান কৰিছে যে কোনো কাৰণতে সাৰি যাব নোৱাৰিব ৫ পাষণ্ড। ৫ পাষণ্ডৰ এটা পাষণ্ডক কৰায়ত্ব কৰিবলৈ সক্ষম হৈছে আৰক্ষী। আন চাৰিটা পাষণ্ডক দিনে নিশাই বিচাৰিছে আৰক্ষীয়ে। ঢেকীয়াজুলিৰ ১নং পলাশবস্তিৰ ছহিদুল ইছলাম নামৰ পাষণ্ডটোৰ সৈতে আন চাৰিটা পাষণ্ডই সংঘটিত কৰিছিল জঘন্য কাণ্ড। ঢেকীয়াজুলি আৰক্ষীয়ে ছহিদুল ইছলামৰ নামৰ পাষণ্ডক কৰায়ত্ত কৰাৰ উপৰিও আন চাৰিটা পাষণ্ডক বিচাৰি অভিযান তীব্ৰতৰ কৰি তুলিছে আৰক্ষীয়ে। আনহাতে মুখ্যমন্ত্ৰী হিমন্ত বিশ্ব শৰ্মাই ছ’চিয়েল মিডিয়াত ঘটনাক লৈ কৰিছে মন্তব্য। দোষীক কঠোৰৰ পৰা কঠোৰ শাস্তি বিহা হ’ব বুলি হুংকাৰ প্ৰদান কৰিছে মুখ্যমন্ত্ৰীগৰাকীয়ে। ভয়ানক ঘটনাৰ বলি হোৱা কিশোৰী আৰু কিশোৰীগৰাকীৰ পৰিয়ালক সুৰক্ষা প্ৰদান কৰাৰ বাবে বিশেষ ব্যৱস্থা কৰা হৈছে বুলিও মন্তব্য মুখ্যমন্ত্ৰীগৰাকীৰ।
