ভাৰতৰ বিৰুদ্ধে পাঁচখন মেচৰ টি-২০ শৃংখলা চলি থকাৰ মাজতে এদিনীয়া শৃংখলাৰ বাবে ঘোষণা কৰা হ’ল ইংলেণ্ডৰ মহিলা দল। ১৫ জনীয়া সদস্যৰে গঠিত এই দলটোৱে ভাৰতৰ বিৰুদ্ধে তিনিখন এদিনীয়া মেচৰ শৃংখলাত অংশ ল’ব।
ভাৰত আৰু ইংলেণ্ডৰ মহিলা দলৰ মাজত অহা ১৬ জুলাইৰ পৰা আৰম্ভ হ’ব এদিনীয়া শৃংখলা। ১৬ জুলাই, ১৯ জুলাই আৰু ২২ জুলাইত ক্ৰমে ছাউথহেম্পটন, লৰ্ডছ আৰু চেষ্টাৰ-লে-ষ্ট্ৰীটত হ’ব শৃংখলাটোৰ মেচ তিনিখন।
সম্প্ৰতি দুয়োটা দল ব্যস্ত আছে টি-২০ শৃংখলাত। এই পৰ্যন্ত তিনিখন মেচৰ প্ৰথম দুখনত ভাৰত আৰু তৃতীয়খন মেচত জয়ী হৈছে ইংলেণ্ড। ২-১ত আগবাঢ়ি থকা ভাৰতে শৃংখলাটোৰ অন্তিম দুখন মেচ ৯ জুলাই আৰু ১২ জুলাইত খেলিব।
ইংলেণ্ডে দল ঘোষণা কৰাৰ পূৰ্বেই ভাৰতে এদিনীয়া শৃংখলাটোৰ বাবে ১৬ জনীয়া সদস্যৰে গঠিত দল ঘোষণা কৰি থৈছে। এদিনীয়া শৃংখলাটোত ভাৰতক নেতৃত্ব প্ৰদান কৰিব হৰমনপ্ৰীত কৌৰে।
ভাৰতৰ বিৰুদ্ধে এদিনীয়া শৃংখলাৰ বাবে ঘোষণা কৰা ইংলেণ্ডৰ মহিলা দলটো
নেট ছাইভাৰ-ব্ৰাণ্ট (অধিনায়ক), এম আৰ্লট, ছফিয়া ডাংকলি, এম্মা লেম্ব, টেমি বিউমন্ট (উইকেটকীপাৰ), এমি জোনছ (উইকেটকীপাৰ), মাইয়া বৌশ্বিয়াৰ, এলিছ কেপচি, কেট ক্ৰছ, এলিছ ডেভিডছন ৰিচাৰ্ডছ, চাৰ্লি ডিন, ছফী এক্লেষ্টোন, লৰেন ফাইলাৰ, লিনচি স্মিথ আৰু লৰেন বেল।
