পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

বিধায়ক কমলাক্ষ দে’ পুৰকায়স্থৰ তৎপৰতা। নাম সলনি হ’ব বৰাকৰ বদৰপুৰৰ। বদৰপুৰৰ পৰিৱৰ্তে হ’ব সিদ্ধেশ্বৰ। বদৰপুৰ পৌৰসভা হ’ব সিদ্ধেশ্বৰ পৌৰসভা।কাটিগড়ৰ বিধায়ক কমলাক্ষ দে পুৰকায়স্থই বদৰপুৰ পৌৰসভা আৰু কাটিগড়ৰ গাঁও পঞ্চায়তসমূহ একত্ৰিত কৰি ‘সিদ্ধেশ্বৰ ধাম পৌৰসভা’ গঠন কৰিবলৈ মুখ্যমন্ত্ৰীলৈ পত্ৰ প্ৰেৰণ কৰিছিল।মুখ্যমন্ত্ৰী ড০ হিমন্ত বিশ্ব শৰ্মাই অনুমোদন জনায়।

বিলাসীপাৰাৰ সূৰ্যখাতাত ১৭নং ৰাষ্ট্ৰীয় ঘাইপথত শোকাৱহ পথ দুৰ্ঘটনা। বলেৰ’ পিকআপ বাহন আৰু বাইকৰ মুখামুখি সংঘৰ্ষত নিহত এজন।থিতাতে নিহত বাইক আৰোহী পিণ্টু ৰায়।নিহত পিণ্টু ৰায়ৰ ঘৰ গৌৰীপুৰত। দুৰ্ঘটনাৰ পিছতেই ৰাষ্ট্ৰীয় ঘাইপথ অৱৰোধ উত্তেজিত ৰাইজৰ। অঞ্চলটোৰ পথচোৱাত গতিৰোধক দিয়াৰ দাবী উত্তেজিতৰ।

আজি কৰ্ণাটকৰ মুখ্যমন্ত্ৰী হিচাপে শপত গ্ৰহণ কৰিব ডি কে শিৱকুমাৰে। ৰাজ্যপাল থাৱাৰ চান্দ গেহলটে বিয়লি ৪ বজাত লোক ভৱনত শিৱকুমাৰক শপত গ্ৰহণ কৰাব। কংগ্ৰেছ হাইকমাণ্ডৰ নিৰ্দেশত সিদ্ধাৰামাইয়াৰ পদত্যাগৰ পিছতেই মুখ্যমন্ত্ৰীৰ পদ গ্ৰহণ কৰিব শিৱকুমাৰে। শনিবাৰে আনুষ্ঠানিকভাৱে কংগ্ৰেছ বিধানসভা দলৰ নেতা নিৰ্বাচিত হয় শিৱকুমাৰ।

পশ্চিম বংগত চলি থকা স্বাক্ষৰ বিতৰ্কৰ মাজতে টিএমচিৰ সাধাৰণ সম্পাদক অভিষেক বেনাৰ্জীয়ে বিধানসভাৰ অধ্যক্ষ ৰথিন্দ্ৰ বসুলৈ এখন পত্ৰ লিখিছিল। শোভাণ্ডেব চট্টোপাধ্যায়ক বিৰোধী দলৰ নেতা হিচাপে নিযুক্তি দিয়াৰ সিদ্ধান্তক তেওঁ পুনৰবাৰ উল্লেখ কৰে। এই পত্ৰখনে পুনৰবাৰ টিএমচিৰ ভিতৰত মতানৈক্যৰ জল্পনা-কল্পনাৰ ইন্ধন যোগাইছে। টিএমচিৰ দুই বিধায়ক ৰীতাব্ৰত বেনাৰ্জী আৰু সন্দীপন সাহাক দলৰ পৰা বহিষ্কাৰ কৰা হয়।

ইৰাণৰ প্ৰাক্তন উচ্চ নেতা আয়াতুল্লাহ আলী খামেনেইৰ মৃত্যুৰ কেইমাহমানৰ পাছত এতিয়া দেশখনে তেওঁৰ চূড়ান্ত বিদায়ৰ বাবে সাজু হৈছে। তেওঁৰ সন্মানত চৰকাৰে তিনিদিনীয়াকৈ এক বৃহৎ ৰাজহুৱা জানাজাৰ কথা ঘোষণা কৰি সমগ্ৰ দেশতে নৱীকৃত আলোচনা আৰু উত্তেজনাৰ সূচনা কৰিছে। ৰাষ্ট্ৰীয় সংবাদ মাধ্যমৰ মতে, তেহৰাণ, ক’ম, মাছহাদকে ধৰি কেইবাখনো ডাঙৰ চহৰত অন্তিম বিদায়ৰ সভা অনুষ্ঠিত হ’ব। বিষয়াসকলে কয় যে এই অনুষ্ঠানসমূহত বৃহৎ সংখ্যক লোকে অংশগ্ৰহণ কৰাৰ সম্ভাৱনা আছে।