আজি প্ৰকাশ পালে কামৰূপ মহানগৰ জিলাৰ ৫ টাকৈ সমষ্টিৰ ভোটাৰৰ ফটো সম্বলিত তালিকা। কামৰূপ মহানগৰ জিলাৰ ৫ টা সমষ্টিৰ মুঠ ভোটাৰৰ সংখ্যা ১০,৪৯,৬৪৪ গৰাকী।
ইয়াৰে পুৰুষ ভোটাৰৰ সংখ্যা ৫,০৫,৪২৯ গৰাকী আৰু মহিলা ভোটাৰৰ সংখ্যা ৫,৪৪,১৮৩ গৰাকী। তৃতীয় লিংগৰ ভোটাৰ আছে ৩২ গৰাকী।
৫টা সমষ্টিৰ দিছপুৰ সমষ্টিত মুঠ ভোটাৰৰ সংখ্যা ২,৪৩,১৭৬ গৰাকী। ডিমৰীয়া(sc) সমষ্টিত মুঠ ভোটাৰৰ সংখ্যা ২,১৬,৯৪৯ গৰাকী। নিউ গুৱাহাটী সমষ্টিত মুঠ ১,৯১,৪৪৭ গৰাকী ভোটাৰ। গুৱাহাটী চেন্ট্ৰেল সমষ্টিত মুঠ ভোটাৰৰ সংখ্যা ১,৯১,৭৫৮ গৰাকী আৰু জালুকবাৰী সমষ্টিত আছে মুঠ ২,০৬,৩১৪ গৰাকী ভোটাৰ।
৫টাকৈ সমষ্টিত মুঠ পোলিং ষ্টেচনৰ সংখ্যা হৈছে ১২১৮ টা। ইয়াৰে খচৰা ভোটাৰ ১০,৭৫,৫৭৬ গৰাকী। চুড়ান্ত ভোটাৰৰ সংখ্যা ১০,৪৯,৬৪৪ গৰাকী। ৫টা সমষ্টিৰ পৰা কৰ্তন কৰা হ’ল ২৫,৯৩২ গৰাকী ভোটাৰৰ নাম। নতুনকৈ অন্তৰ্ভুক্ত হৈছে ২২,৩৯০ গৰাকী ভোটাৰ।
মৃত্যু, স্থায়ী ঠিকনা সলনি আৰু ৰিপিতেড ভোটাৰ এই তিনিটা প্ৰক্ৰিয়াৰে কৰ্তন কৰা হৈছে ভোটাৰ নাম। যদি কোনো ভোটাৰৰ নাম বাদ পৰে, তেনেহ’লে তেওঁ কণ্টিনিয়াছ ৰিভিজনৰ জৰিয়তে এপ্লাই কৰিব পাৰিব। মনোনয়ন দাখিলৰ ১০ দিন আগলৈকে এপ্লাই কৰিব পাৰিব। নাম কৰ্তন হোৱাসকলে নতুনকৈ কৰিব পাৰিব আৱেদন। ১৫ দিনৰ ভিতৰত নাম অন্তৰ্ভুক্তিৰ বাবে জিলা আয়ুক্তক আৱেদন কৰিব লাগিব। ২৫ ফেব্ৰুৱাৰীলৈ পঞ্জীয়ন বিষয়াৰ সিদ্ধান্তৰ বিৰুদ্ধে অভিযোগ দিব পাৰিব ভোটাৰে।
