শেহতীয়াকৈ চিজেআই সঞ্জীৱ খান্নাই নতুন গোচৰৰ আগতীয়া তালিকাভুক্তকৰণ আৰু শুনানিৰ বাবে অনুৰোধ জনাই অধিবক্তাই মৌখিকভাৱে উল্লেখ কৰাৰ প্ৰথা বন্ধ কৰি দিছিল।
সোমবাৰে অৰ্থাৎ ২ ডিচেম্বৰত দিল্লী উচ্চ ন্যায়ালয়ে ৭০ জন অধিবক্তাক জ্যেষ্ঠ হিচাপে নিযুক্তি দিয়াৰ সন্দৰ্ভত দাখিল কৰা আবেদনৰ শুনানি গ্ৰহণ কৰে উচ্চতম ন্যায়ালয়ে। দিল্লী উচ্চ ন্যায়ালয়ে অধিবক্তাক জ্যেষ্ঠ হিচাপে নিযুক্তি দিয়াৰ সিদ্ধান্তক প্ৰত্যাহ্বান জনাই অধিবক্তাসকলক আগতীয়াকৈ তালিকাভুক্ত কৰা আৰু আগতীয়াকৈ শুনানিৰ বাবে অনুৰোধ জনাই এখন পত্ৰ লিখিবলৈ কয়।
শেহতীয়াকৈ দিল্লী উচ্চ ন্যায়ালয়ে ৭০জন অধিবক্তাক জ্যেষ্ঠ অধিবক্তা হিচাপে নিযুক্তি দিছে। মুখ্য ন্যায়াধীশ মনমোহন, ন্যায়াধীশ বিভু বাখৰু আৰু ন্যায়াধীশ যশৱন্ত ভাৰ্মা আদিকে ধৰি এখন স্থায়ী সমিতিৰ দ্বাৰা প্ৰাৰ্থীৰ মূল্যায়ন কৰি তেওঁলোকক জ্যেষ্ঠ অধিবক্তা হিচাপে নিযুক্তি দিয়া হয়।
উচ্চ ন্যায়ালয়ৰ কমিটীৰ অংশ হিচাপে থকা জ্যেষ্ঠ অধিবক্তা সুধীৰ নন্দ্ৰজোগে তেওঁৰ সন্মতি অবিহনে চূড়ান্ত তালিকা প্ৰস্তুত কৰা বুলি দাবী কৰি পদত্যাগ কৰাৰ লগে লগে এই প্ৰক্ৰিয়াটো বিতৰ্কৰ সৃষ্টি কৰে।
সোমবাৰে উচ্চতম ন্যায়ালয়ৰ বিচাৰপীঠত জৰুৰী শুনানিৰ বাবে দাখিল কৰে এই আবেদন। এই বিচাৰপীঠত থাকে দেশৰ মুখ্য ন্যায়াধীশ সঞ্জীৱ খান্না আৰু ন্যায়াধীশ সঞ্জয় কুমাৰ।
এই সময়ছোৱাত যেতিয়া ৭০ জন অধিবক্তাক মৌখিকভাৱে বিষয়টো দাখিল কৰিবলৈ অনুৰোধ কৰা হৈছিল, তেতিয়া চিজেআই সঞ্জীৱ খান্নাই নাকচ কৰে। অধিবক্তাগৰাকীয়ে বিষয়টোৰ আগতীয়া শুনানি লোৱাৰ ওপৰত জোৰ দি কয় যে, এই বিষয়টো দিল্লী উচ্চ ন্যায়ালয়ৰ জ্যেষ্ঠ অধিবক্তাৰ পদবীৰ সৈতে জড়িত। গতিকে বিচাৰপীঠে অনুৰোধ কৰি তেওঁক যেন ৩০ ছেকেণ্ড সময় দিয়ে। কিন্তু চিজেআই সঞ্জীৱ খান্নাই তেওঁৰ এই অনুৰোধত বাধা দিয়ে।
চিজেআইয়ে অধিবক্তাগৰাকীক মৌখিক অনুৰোধ কৰাৰ পৰিৱৰ্তে গোচৰৰ তালিকাভুক্তকৰণৰ সন্দৰ্ভত এখন পত্ৰ দাখিল কৰিবলৈ কয়।
